Dêrsim de bînê awe mendo: Dêrê Mîyadînî

ZAZAKÎ NEWS - Platformê Cigêrayîşî yê Mîrasê Vîndîbîyeyî yê Feratî xebatanê xo domneno. Na çarçewe de endamê platformî, nêzdîyê dewa Alçili ya qezaya Çemişgezekî ya Dêrsimî de, Dêrê Mîyadînî yo ke binê Awbendê Kebanî de mendo, zîyaret kerd û awanîya tarîxîye de fotoğrafî antî.

Eşkerayîya ke hetê platformî ra amey dayîş de, wina ame vatiş: “No mîrasanê vîndîbîyeyan ê Feratî ra yew o. No dêro ke sey ê Ermenîyan yeno zanayene tarîxê ci qasê hîrê esran o. Demo ke gola awbendî ancîyena newe ra vejîyeno riyê erdî û bi dêsanê xo ke vera wextî xo ver danê, tarîxê Anadolî yê zafkultûrî ano vîrê ma. Na awanîya ke bi nameyê Mîyadunî zî yena şinasnayene, tena yew îbadetxane nîya; heman wext de yew mîrasêko muhîm o ke şahîdîya cîya-cîyayîya kulturî ya coğrafyaya Dêrsimî û hafizaya pîyakîye kena.”