ZAZAKÎ NEWS - Şaristananê Vakurê Kurdistanî de, teberê şuxilnayîşê zêdeyî ra, tîcaretê îsotî zî bîyo sektorêko muhîm.
Serra 2025î de bi qasê 14 mîlyon û 112 hezar dolaran îsot amebi îxrackerdiş.
Goreyê reqeman yê Yewîya Îxracatkaran yê Başûrrojhelatê Anadoluyî ke tayê şaristananê Vakurê Kurdistanî zî gêna mîyanê xo, tîcaretê îsotî muhîmîya xo paweno.
3 menganê verênan ê 2026î de, 66 welatan rê bi qasê 3 mîlyon û 773 hezar dolaran îsoto wedî ame îxrackerdene.
No îsot tewr verî seba Almanya, Holanda û Brîtanya ame erşawitiş.
Hezar û 876 tonî îsot ame rotene
Nê wextî de seba Holanda, Erebîstanê Siûdî, Kanada, Qeter, Herêma Kurdistanî, Îraq, Rûsya, Romanya, Yunanîstan, Çîn, Brezîlya, Îtalya, Kuba, Qibris û Îspanya hezar û 876 tonî îsoto huşk ame îxrackerdiş.
Serekê Meclîsê Borsaya Tîcaretî ya Riha Îsa Kizildemîrî îfade kerd ke zêdebîyayîşê îxracatê îsotî yo ke çaryegê verênî yê 2026î de bîyo, zaf muhîm o.
Îsa Kizildemîrî babete ser o wina va:
“Ma hêvî kenê ke heta peynîya serre îxracatê ma do zêdêr bibo. Emser varan zêde vara û erd awe ra mird bi. No do zîretî ser o tesîrêko pozîtîf bikero.”
