Goreyê melumato ke ame girewtiş; vizêr serê sibayî ke wextê îznê ey bi, Murat Özelo ke sey gurekarê pawitişê tebîatî yê Mudurîya Pawitişê Tebîatî û Parkanê Neteweyîyan de gurîyêne, vejiya Koyê Ezîz Abdalî û dima ra wextêko kilm ey ra xebere nêamey girewtiş. Naye ser o xeber dîya Merkezê Vengdayîşî yê Acîlî yê 112î.
Bi xeberdayîşî ser o, netîceya xebatanê cigêrayîşî Özelî mîyanê koyî de merde ame vînayîş. Ame musayîş ke sebebê zelal yê mergê Murat Özelo ke zewcîyaye bi û pîyê di domanan bi, do dima ke otopsî bêro kerdiş aşkere bibo.
Derheqê hedîseyî de cigêrayîş dewam keno.
