ZAZAKÎ NEWS - Hedîse, vîzêr dewa Ağaçseverî ya qezaya Çınarî de ame meydan. Mabênê M.D. (33) û pîyê ey N.D. (63) de seba sebebêko ke hema nêameyo zananayîş munaqase vejîya.
Dima ke munaqasa giran bi, M.D.î pê demance eşt pîyê xo ser û o giran birîndar kerd. Bi xabarwesnayîşî ser ekîbê îtfaîye, weşîye 112 û cendirmeyî amey herêma qewimyayîşî.
N.D.yo birîndar bi ambulans wedarîya Nêweşxaneyê Dewlete yê Çınarî, labelê bi her tewir mudaxaleyanê doktoran zî nêame xelesnayîş û ganê xo vîndî kerd.
M.D.yo ke dima ra rema, seba tepişnayîşê ey ekîban dest bi xebate kerde.
