ZAZAKÎ NEWS - Goreyê zanayîşanê ke çimeyanê Wezaretîya Karanê Zereyî ra ameyê destvistİŞ, bi telîmatê Wezîrê Karanê Zereyî Mustafa Çîftçîyî derheqê îdîayanê vera walîyê verênî Tuncay Sonelî de cigêrayîş ame destpêkerdİŞ.
Wezaretîye, seba cigêrayîşê nê îdîayîyên ke behsê înan beno, yew mufetîşê mulkîye wezîfedar kerd. Ame eşkerakerdiş ke çarçewaya tehqîqatî de do pêro îdîayî bi bêrê teftîşkerdene.
Tehqîqatê derheqê wendekara Universîteya Munzurî Gulîstan Dokuya ke 5ê Çeleyê 2020î ra nata vîndîbîyaye ya de, rojanê vîyarteyan de 13 kesî ameybî destbendkerdiş.
Mîyanê ê kesanê ke ameybî destbendkerdiş de; embazê Gulîstan Dokuye Zeînal A., maya ey Cemîle Y. û pîyê ey o uwey Engin Y., Uğurcan A., Celal A., Nurşen A. û Ferhat Hanedan G., lacê walîyê o wextî Tuncay Sonelî Mustafa Turkay Sonel û pawitoxo verên ê walîyî Şukru E. zî ca girewtî.
Vîzêr şan di kesî ameyî tepiştiş, derheqê di kesan de zî qerarê kontrolê edlîyî ame dayîş.
Maya Gulîstan Dokuye Bedrîye Dokuya ke verê edlîyeyî de pawena, waşt ke wa tehqîqat bêro hîrakerdiş