Serokê Pêroyî yê MHPyî Devlet Bahçelî kombîyayîşê grûba partîya xo yê Parlamentoyê Tirkîya de qisey kerd û va, "Eke lazim bo, wa endamê Komîsyonî şêrê Îmralî.”
Devlet Bahçelîyî pêşnîyar kerd ke yew heyetê Komîsyonê Yewîya Neteweyîye, Birayîye û Demokrasîye (Komîsyon) ra şêro Îmralî û rasterast Abdullah Ocalanî reyde pêvînayîş bikero.
Bahçelîyî veng da Ocalanî ke wa HSD/YPGyî rê zî vajo ke wa çekan ronê.
Serokê Pêroyî yê MHPyî behsê xebatanê pêvajoyê çareserîye kerd û wina dewam kerd:
“Ma xebatanê Komîsyonî ra hayîdar ê, heta nika Komîsyonî 13 kombîyayîşî kerdê. Komîsyon do meşte zî kombîyayîşê xo bikero û ma nêzdî ra xebatanê Komîsyonî teqîb kenê.
Endî do xebatê qanûnî dest pêbikerê. Endî wextê ma çin o ke ma kesî feda bikerê. Ganî kesê ke tewrê çalakîyanê çekdaran nêbîyê bêrê keyeyanê xo.
PKKyî estbîyayîşê xo yo rêxistinî qedênayo. Vengdayîşê Îmraliyî heme grûban gêno xo mîyan. Eke lazim bo, wa endamê Komîsyonî şêrê Îmraliyî.