ZAZAKÎ NEWS – Şaristanê Dîyarbekirî de, merdimanê nêweşêk sîstanê hekîmî yê beşa lezgîne Haşim Hizolî rê hêriş kerd.
Sendîkaya Hekîmsenî şewa bîne hesabê xo yê Xî ser o derheqê hadîseyê ke Nêweşxaneyê Perwerde û Cigêrayîşî yê Gazî Yaşargîlî de qewimîya, vîdeo û eşkerayîyêke pare kerd.
Hekîmsenî eşkerayîya xo de îzah kerd ke Wezaretê Weşîye yê Tirkîya vera hadîseyanê şîdetî bêveng maneno û kesê ke hêriş kenê, nînê ceza kerdiş.
Hekîmsenî eşkerayîye de va:
“Şîdeto ke xebatkaranê weşîye ser o dewam keno, hewesê xebate zeîf keno û Wezaretê Weşîye zî na babete de hîşyar nîyo.”