ZAZAKÎ NEWS - NextGen Kurdî emşo Amed de yew forumê ciwanan esto û NextGen Kurdî ciwanan ra wazeno ke wa bêrê forum û fikranê xo vajê.
Beyanato ke NextGen Kurdî sey dawetname vila kerdo cêr de yo.
DAWET - FORUMÊ CIWANAN (3ine)
NextGen Kurdî
Babeta: Gelo Remayiş o, Sitargeh o, yan Qirayiş o? – Ciwan, Tiryakbiyayiş, û Neynika Cimati. Bi nameyê NextGen Kurdi, ma bi rêz û bi hurmet şima dawetê Forumê 3ine yê Ciwanan kenê.
Tiryakbiyayiş bi madeyê tiryakî problemêko ke ma ewro bajarê tewr pîl yê dinya û eyni wextî de bajarokê tewr dûrî yê ci dir rî bi rî manenî yê. New York, Berlîn, Tehran, Amed. No tena problemê cografyayêka taybetî, sinifêka taybetî, yan neslêko taybetî nîyo. Na, neynîka ke rewşa hempar a merdimayîye, cuya modern û taliyê ke aye awan kerda, miyanê xo de mojnena.
La ma na neynîke rê senî ewniyenê? Bi pêroyî bi muhakeme! Bi sûcdarkerdîş! Bi dûrvistiş! La binê xeylêk sanîkê tiryakî de, xeylê rey deşêk ke nêameyo vatiş, cigêrayîşêk, yan zî taliyêk manayî est o.
Nê forumî de, ma do hewl bidê ke nê sanîkan çar perspektifê ciya de biwanê: psikolojî, huqûq, îdarekarîya herêmî û cimatê sivîlî. Amancê ma muhakemekerdîş nîyo, la famkerdiş o. Pêşkêşkerdişê çareserîyan nîyo, la perskerdişê persanê rastî yê pîya yo.
Nê forumî de, ma do nê persan ser o munaqeşe bikerê:
Merdimêk/e çira keweno/a miyanê tiryakî: gelo no weçinîtişêk o, birînêk o, yan zî qirînayîşêk semedê hetkarîye yo?
Waxto ke dewlete û sistemê huqûqî nê merdiman dir rî bi rî benê, ê çi vînenê: Sûcdar, nêweş, yan welatî?
Gelo bajar û şaredarî rastî nê problemî dir rî bi rî benê, yan zî ci nêdîyar kenê?
Ma bêvengîye û morkerdîşê cimatî, problemî bi xo xirabêr o?
Ciwanî mecbûr ê ke hemverê nê tabloyî de tena temaşeker bê, yan zî eşkenê bibê aktor?
Tarix: 23yê Adara 2026ine
Saete: 18:00-20:00
Ca: ÇandAmed (Sezai Karakoç, Qata 4emîn)
Bi rêzdarî, NextGen Kurdî Têkili: nextgenkurdi@gmail.com
Tel: 05077800599