Wendox ganî
Tarîxî ra heta ewro, çekuya cuye sade yew prosesê bîyolojîkî ney, eynî wext de seba zafê fîlozofan sey yew çîka efsunî ameya naskerdiş û seba ke însanî no efsunî fam bikerê wina yew Pers ameya aqilê înan. Gelo cuyê ma yew hewn o?
Ez zî ge ge fikrîyêna labelê ez nêeşkena xo ra vaja; ney, no çîyo ke ez te de ya yew hewn nîyo. Çimêk gama ke ma yew hewn vînenê ma rê ey wext her çî rastikên yeno,gama ke ma wurzenê ma fam kenê ke her çî yew hewn bî û ma seba rastikênê ey şaş benê . Seba ke ma zaf hewn vînenê êdî ma rê xerîb nîno labelê eke ma cuyayîşê xo de sade yew ray bidîyêne belkî ma bi aşman vatêne; ey çi bî, gelo çîk beno bimi ûsn.ez raran hewnê xo de yewna hewn vînena û ez yewna hewn de hîşyar bena; ez vana ke ey çi hewn bi labelê ey zî hewn o.
Yanî belkî ez yew wext hewn ra wurzena û nê çîyê ke nika ez te de ya , heme ey roj benê yew hewn û ez seba rastikênê ey şaş bena, belkî her çîyo ke derudorê mi de yo mehsulê hewnê min o.
Zanistî tespît kerdê ke mezgê ma hewnê ma de zî îlim nejirneno.yanî çîyo ke aqilê ma hîşyarê de keno, hewn de zî keno.zaf çî est ê ke ez hema nêeşkena bi çekuyan şima rê îzah bikera.labelê ez wazena bi yew pers fikrîyayîşê şima de ca bigêra;ma her roje çimanê xo na cuye de akenê ,labelê eke ma yew roje yewna cuye de akerê?
