Eveleko ke her roje serê sibayî seatê 05.00 de dest bi amadekerdişî keno, Cadeyê Gazî yê qezaya Surî de, vera UCamîya Pîle de dezgeyê xo akeno û rotiş keno. Şimiteyê ke vîst û panc û hîris TLî ra roşeno, tewr zaf germîya hamnanî ya serê çewres (40) dereceyî de eleqeyêko hewl vîneno.
Tewr zaf wextê hewayê germî de qalebalixîya verê dezgeyî, nawneno ke eleqeyê seba şimiteyanê xozayî her serre hîna zaf beno.
Doğan Evelekî va ke o serranê 1993-1994î ra nat nê karî keno. Evelekî va: "Ez gede bîya ke mi dest pêkerd. Meymanê ma yê ke teberî ra yenê, wexto ke nêşenê awa susê bişimê, ez limonata yan zî şerbetê reyhanî îkramê înan kena. Reyhan zî Baxçeyanê Hewselî de reseno. Awa susê û reyhan erjê Amedî yê."