Temsîlkarîya Wîlayetî ya Komela Heqanê Merdiman (İHD) ya Çewlîgî, serrgêraya qebulkerdişê Beyannameyê Pêroyî yê Heqanê Merdiman ya 77. de, meydanê bajarî de eşkerayîyêka çapemenîye da. Eşkerayîye hetê Vervatoxê İHDyê Çewlîgî Cemalettîn Guzelî ra amey wendiş û endamê komele û pawitoxê heqanê merdiman beşdarê ci bîyî.
Eşkerayîye de ame vîrardiş ke Beyannameyo ke dima Herbê Dinya yê Dîyinî, 10ê Kanûne 1948î de ameyo qebulkerdiş, rûmetê merdimî, aştîye, edalet û azadîye ser o vindeno. Ame vatiş ke nê prensîbê ke bingeyê mucadeleyê İHDyî virazenê, ewro zî sey yew pûsula yê.
Eşkerayîye de ame îfadekerdiş ke bingeyê persa Kurdan de problemêko heqanê merdiman û demokrasîye esto û polîtîkayanê înkar û asîmîlasyonî bîyê sebebê problemanê pîlan. Ame vîrardiş ke en tay 40 hezar kesî merdê û binpaykerdişê sey înfazanê bêmehkeme, bi zorî vîndîkerdişî û vengkerdişê dewan ameyê cuyayene.
Eşkerayîye de ame behskerdiş ke cinîyî maruzê şîdet, cîyakerdiş û zextan manenê û peyserantîşê Peymana Stenbolî ame rexnekerdiş.