Mehleyanê Helebî Şêx Meqsûd û Eşrefîye ke tede nufusê Kurdan zaf o, rê hetê grûbanê çekdaran ê pabesteyanê Rayberdoxîya Şamî ya Demkî ra hêriş amebi kerd. Nika uca de Kurdan rê zukum beno.
Heto bîn ra goreyê malumatanê ke ameyê girewtiş, pêrodayîş ra dima aqîbetê tewr tay 276 sîvîlan nêzanîyeno.
Pêro sîvîl ê
Ame musayîş ke wextê pêrodayîşan de bi seyan cîwanê Kurdî hetê grûbanê çekdaran ra ameyê dest ser ronayîş. Yeno vatiş ke 276 kesê ke hema zî înan ra xeber nêna girewtiş, pêro sîvîl ê.
Cenazeyî nêameyî wedartiş
Çimeyanê herêmîyan ragihand ke, bi taybetî hetê rojawanî ya Mehleya Şêx Meqsûdî û dormeyê Camîya Selaheddînî de rijnayîş û mergê pîlî qewimîyayê. Ame îfadekerdiş ke xeylê kuçeyan û zereyê keyeyan de cenazeyê kesê ke pêrodayîşan de merde, estê û hema nêameyê wedaritiş.
Rayberdoxîya Şamî ya Demkî, 6ê Kanûne de vera nê mehleyan dest bi hêrişî kerdbi û semedê pêrodayîşan bi hezaran sîvîlî mecbûr mendbî ke keyeyanê xo terk bikerê.