ZAZAKÎ NEWS - Binpaykerdişê heqê cuyayîşî yê vera tepişteyan ê rejîmê Îranî dewam kenê. Rejîmê Îranî saetanê şefeqî de eşkera kerd ke tepişteyê sîyasîyî Abolhassan Montazer û Vahîd Banîamerîan ameyê îdamkerdiş.
Ame zanayîş ke Montazer û Banîamerîan, bi îddîayanê endambîyayîşê "Mucahîdanê Şarî" (MEK) û “serewedaritişê biçekî”; û binê bahaneya “seba xeripnayîşê asayîşê mîlî kom bîyayîş û hemkarîkerdişî” ameybî muhakemekerdiş û cezaya îdamî dîyaybî ci.
Eynî hefte 4 tepişteyê bînî zî ameybî îdamkerdiş
Kesê bînî yê ke eynî dosya ra ameyêne muhakemekerdiş; Babak Alipur, Puya Gobadi, Akbar Daneşvarkar û Muhammed Taghavi Sangdehi zî mîyanê na hefteyî de hetê rejîmî ra ameybî îdamkerdiş.
Kaynak: Zazakî News
