Dunya Mihemedîya ke Şarê bajarê Îwanî ya wîlayetê Îlamî bîye, di serrî verê cû gama ke hema 18 serre bîye bi sûcê kiştişê dayzayê xo ameybî tepiştene. Goreyê agahîyanê ke sazîyanê heqanê merdiman dayî, cezaya dardekerdişî serê sibayî ameye caardene.
Goreyê raporan, dayzayê Dunya di serrî verê cû seba zewacî şibi aye waştbi, labelê Dunya no waştiş qebul nêkerdbî. Ame îdîakerdene ke Dunya bi “hebikê birincî” dayzayê xo jehr kerdo û merdim bi no sebeb ra merdo.
Hêzanê asayîşî yê Îranî Dunya bi sûcê "kiştişo qesdî" tepiştbî û mehkemeya Îranî cezaya îdamî dabî aye. Cezaya aye zindano merkezî yê Îlamî de ame caardene û a amey darde kerdene.
