Darxaneyê DYA, vizêr (2ê êlule) nê pereyê metalî yê yew dolarî ke tede portreyê Trumpî esto, vetî piyasa.
Mîyanê yew rîyê pereyê 1 dolarî de portreyê Trumpî esto. Beşê corênî de nuşteyê ‘Liberty’ (Xoserîye), beşê cêrênî de zî serra ke xoserîya welatî ameya îlankerdiş û tarîxê ‘1776-2026’ yê ke sembolê serrgêra 250. ê, estê.
Rastê portreyê Trumpî de nuşteyê ‘IN GOD WE TRUST’ (Ma Homayî rê Bawer Kenî) nusîyayo. Nê pereyê metalî, badê ke ameyî vetene piyasa, mîyanê çend saetan de qedîyayî.
Sewbîna, badê seserre reya verêne yo ke portreyê serekêko ke gane (weş o) pereyê Amerîka de ca gîrewt.
Nê pereyê metalî yê 1 dolarî ke rengê zerrnînî de yê labelê mîyanê înan de zerrn çin o, 25 teneyê înan bi 61 dolarî, 100 teneyê înan zî bi 154,50 dolarî ameyî rotene.
