Amed de semedê Zazakî-Kurmanckî rayraşîyayîş: Ziwanê Kurdkî xeta ma ya sûr a

Platformê Sazgehanê Demokratîkan bi slogana "Ziwanê Kurdkî xeta ma ya sûr a" veng dayo heme şarî ke tewrê çalekîya seba heqê perwerdeyê ziwanê Kurdkî bibê. Eşkerayîye de ame dest nîşankerdene ke Kurdkî ganî bibo ziwanê resmî û perwerdeyî.

Ame îzahkerdiş ke rayîrşîyayîş roja îneyî (ewro) saete 17.00î de verê NCITY ra dest pêkeno û heta Parka Koşuyoluyî dewam keno. Platformî bi pankart û dovîzanê sey "Bi ziwanê xo wazenê!" veng da heme şarî ke wayîrê ziwanê xo bivejîyê.