Çarçewaya tehqîqato ke hetê Serozgerîya Komare ya Stenbolî ra ameyo destpêkerdene de, sere de Stenbol 11 bajaran de erzîya banan ser û 39 kesî ameyî tepiştiş. Kesê ke verê cû Partîya Sosyalîste ya Bindestan (ESP) de xebitîyê û Hemserekê Pêroyî yê Partîya Neweyî yê Sosyalîstî (SYKP) Mertcan Titiz zî tede xeylê kesî ameyî tepiştiş.
Tehqîqat îdîayanê îtîrafkarêkî ser o ameyo destpêkerdene; seba 52 kesan qerarê tepiştişî ame dayene ke nînan ra 8 kesî teberê welatî de yê û 2 kesî zî heps de yê.
Eşt 42 banan ser
Seba tepiştişê 42 kesanê bînan, Stenbol de 25 û Anqara, Edene, Antalya, Aydin, Balikesir, Dîyarbekir, Xarpêt, Mêrsîn, Mugla û Riha de zî 17, pêro pîya polîsan eşt 42 banan ser.
