ZAZAKÎ NEWS - Hemşîreya ke medyayê sosyale de porê xo mûnit û kerd gile û bi no qayde paştî da hêrişê ke Rojavayê Kurdistanî ser o benê protesto kerd Îstanbul de amey tepiştiş.
İ.A. ya ke nêweşxaneyêkê Kocaeli de sey hemşîre xebitîyêna, wexto ke karî ser o bîye, vîdeoyê xo antêne ke porê xo mûnitêne û no vîdeo hesabê xo yê medyayê sosyale de pare kerd.
Mudurîya Weşîye ya Wîlayetê Kocaeli derheqê mesela de eşkerayîye da û va ke hemşîre vera "Qanûnê Memuranê Dewlete" û "Prensîbanê Etîkan ê Wezîfedaranê Kamuyî" têgêraya. Eşkerayîye de ame vatiş ke derheqê aye de tehqîqatê edlî û îdarî ame dest pêkerdiş.
Ame musayîş ke Hemşîre İ.A. Îstanbul de keyeyê birayê xo de ameya dest bendkerdene û seba muemeleyanê resmîyan şawîyay Mudurîya Emnîyetî ya Kocaeli.