Heyetêko berz yê Yewîya Ewropa (YE) resayo paytextê Sûrîye Şam û pawîyêno ke bi Serekkomarê Sûrîye Ehmed Şerî reyde kom bibo.
Pawîyêno ke rewşa Helebî û pawitişê heqanê şaranê ke S3urîye de cuyenê ser o bêr qiseykerdiş.
Sereka Komîsyonê Yewîya Ewropa Ursula von der Leyene resaya Şam û Wezîrê Karanê Teberî yê Sûrîye Eshed Şeybanî şi aye vera. Teberê Von der Leyene de, Serekê Konseyê Ewropa Antonio Costa zî mîyanê heyetî de yo.
YE seba Helebî xebitîyena
Yewîya Ewropa vizêr seba şerê mehleyanê Kurdan ê Helebî, Şêx Meqsûd û Eşrefîye, endîşeyê xo îfade kerdbî. Vervatoxê Yewîya Ewropa Enwer Elenûnîyî seba rewşa Helebî vatbî: "Ma wazenê ke heqanê merdiman rê hurmet bêro nîşandayîş û problemî bi ziwanê dîplomasî û aştîyane bêrê çareserkerdiş."
Yewîya Ewropa û Amerîka waştişê "hukmatêko hîra" Sûrîye de kenê la hukmatê Sûrîye hema xeylê problemî çareser nêkerdê. Sereyê nê probleman de zî caardişê Peymana 10ê Adara 2025î yeno, ke mabênê Serekê hukmatê vîyartişî Ehmed Şer û Fermandarê Pêroyî yê Hêzanê Sûrîyeya Demokratîke (HSD) Mezlûm Ebdî de amebî îmzakerdiş.