Heyeta Berze ya Weçînayîşan a Tirkîya aşkere kerd ke, hûmara parlamenteranê Dêrsimî bîya 2.
Heyeta Berze ya Weçînayîşan a Tirkîya derheqe herêmanê weçînayîşî ê parlamenteran de qerarê xo Rojnameyê Resmî ser ra vila kerd.
Goreyê hesabkerdişê nifûsî, hûmara parlamenteranê Îstanbulî 98 ra kewt 96.
Parlamenterêkê wîlayetê Hatay û Kutahyayî zî kêm bîyo.
Kişta bîne ra Dêrsim û bajaranê Bursa, Eskîşehîr û Bayburtî de zî hûmara parlamenteran 1 zêde bî.
Goreyê nê qerarî, Dêrsim do weçînayîşo ke bêro de 2 parlamenteran bierşawo Parlamentoyê Tirkiya.
Pêroyî de 600 kursiyê Parlamentoyê Tirkiya estê û tewr zêde Îstanbul(96), Anqara (36) û Îzmîr (28) parlamenterî yenê weçînitiş.
Bakurê Kurdistanî ra tewr zêde Riha (14), Dîlok (14) û Amed (12) parlamenterî yenê weçîntiş.
Tewr kêm zî Erzingan (2), Dêrsim (2), Kilîs (2), Îdir (2) û Erdexanê (2) parlamenterî yenê weçîntiş.
