ZAZAKÎ NEWS – Midurê Rêxistina Heqanê Merdiman a Îranî Mehmûd Emîrî Muqedemî, bi wesîleya serrgêra hîrêyîne ya qetilkerdişê Jîna Emînî û destpêkerdişê serewedaritişê “Cinî, Cuye, Azadîye”, hûmaranê îdamî yê ke serra 2022î ra nat ê, pare kerdî.
83 cinîyî ameyî îdamkerdiş
Muqedemî da zanayîş ke 26ê Êlula 2022î ra nat Îran û rojhelat de 2 hezar û 910 kesî ameyî îdamkerdiş. Nê kesanê ke ameyî îdamkerdiş ra 83 tenî cinîyî, 37 tenî tepişteyê sîyasîyî û 14 tenî zî xoverdayoxî bîyî. Ame eşkerakerdiş ke 4 kesê ke emrê înan binê 18 serrî de bi zî ameyî îdamkerdiş.
68 gedeyî ameyî qetilkerdene
Goreyê amaran, xoverdayîşanê serra 2022î de 551 kesî ameyî kiştine ke înan ra 68 tenî gedeyî (domanî) bîyî. Xeylê kesî zî semedê guleeştişê raşt bi raştî yê hêzanê Îranî ra kor bîyî û seba bêvengkerdişî zafaneyî cinîyî ameyî hedefgirewtene. Ame vatene ke tena wextê xoverdayîşanê “Cinî, Cuye, Azadîye” yê şaristanê Zahîdanî yê Îranî de 104 kesan ra zêdeyêr kesî ameyî qetilkerdene ke înan ra 14 tenî gedeyî û 4 tenî zî cinîyî yê.