Qezaya Meletî Yeşilyurt, Taxa Çavuşoğlu de şantîyeyêk de, wextê siba de yew qezaya karî amey meydan. Westayê qaliban Adem Bîroglu, o ke Amed ra semedê xebate şibi Meletî, wexto ke qata 5ine ya înşaetî de xebitîyayêne, kewt waro.
Bi îxbarî ser o ekîbê weşîye û polîsî ameyî cayê hedîseyî. Bîroglu ke giran birîndar bibi, bi ambulansî şewîya Nexweşxaneyê Perwerde û Cigêrayîşî yê Meletî. Tîya de pa heme mudaxeleyanê ke hetê doktoran ra ameyî kerdene, Adem Bîrogluyî nêxelesîya û wefat kerd.
Cenazaya Adem Bîrogluyî, o ke zewijîyaye û babîyê di gedeyan bi, seba otopsî şawîya morgê Sazîya Tibbê Edlî. Ame musayîş ke badê karê otopsî, cenazaya Bîrogluyî do qezaya Amedî Pîran de bêro heqkerdiş.
Derheqê hedîseyî de cipersayîş ame destpêkerdene.
