Komîsyonê Yewîya Neteweyîye, Brayîye û Demokrasîye do ewro seat 14.00 de newe ra bêro pêser û seba şîyayîş û nêşîyayîşê Girawa Îmraliyî rey bido. Seba ke heyetê Meclîsî bi Ocalanî reyde pêvînayîş bikero, ganî komîsyonê 51 endamî ra 31 endamî reyê “e/ya” bidê.
Komîsyon do ewro bi serekîya Serekê Meclîsî Numan Kurtulmuşî de, salonê merasîmî de roniştişêko tarîxî bikero. Goreyê waştişê îdareyanê Partîya DEMî û MHPyî, babeta "şîyayîşê Dezgehê Înfazê Cezaya Ewleyîya Berze ya Îmraliyî" do bêra qiseykerdiş.
Goreyê talîmatê xebate yê komîsyonî, seba ke derheqê teklîfanê qanûnî de qerar bêro girewtiş, panc ra hîrê (31 reyî)” lazim ê.
Eke komîsyon ra qerarê “e/ya” bivejîyo, texmîn beno ke yew bin komîsyono ke mabênê 5-7 endaman ê partîyanê beşdaran ra yeno pê, şêro Girawa Îmraliyî.
Îdareyê MHPî wazeno ke bi girewtişê îznanê laziman ê Wezaretê Edaletî, zîyaret bi teqwîmêko tewr lezgîn, heta hefteyê peyênî de bêro kerdene. Labelê yeno vatene ke eke îdareyê CHPyî zî qebûl biko û bin komîsyonî rê endam bido
Kamci partî wayîrê çend reyan a?
Komîsyonê 51 endamî de, hûmara kursîyê AK Partî (22), Partîya DEMî (5) û MHPî (4) ê.
Komîsyon de 11 endamê CHPyî, 3 endamê Yeni Yolî, û 1 endamê her yew partîyanê YRP, HUDA-PAR, TİP, EMEP, DSP û DPyî estê.