Enver Yılmaz

Dezgehanê ziwanî ZIWAN-KURD, ANKA-DER û MED-DERî, seba ke gedeyan rê Alfabeya Kurdkî bimusnê, Sêwregi de aktîvîteyêk viraşt.

Xarpêt de seydwanê ke teberê welatî ra amey, çarçeweya "turîzmê seydwanî" de xozo ke giranîya ci 200 kîlo bi, kişt.

Projeya kanaya ponz û qumî ke plan kerdêne herêmanê Xozat û Pêrtage de bêro viraştene, amey betalkerdene. Walîyê Dêrsimî Aygolî Cemxaneyê Ağuçanî de mijdane da.

Çewlîg de wesayîtêko tîcarî kontrol ra vejîya û da dîregê elektrîkî ro. Qeza de 2 kesî bi hawayêko sivik birîndar bîy.

Amedsporî deplasman vera Umranîyespor serkewt. Maço ke tede 7 golî ameyî eştiş, Amedsporî deqîqayanê peyênan de bi golê Diagneyî 3 puanî girewtî.

Metin Kemal Kahraman bîşew Amed de konser da. Gama ke kilama "Sultan suyu" vatêne, resimê hepsîyanê sîyasîyan ameyî mojnayîş.

Tîyatroyê Şehr-i Bingöl ke 14 serrî yo bêmabên kayanê Zazakîyan hadre keno, na rey trajedîya namdare ya Sofoklesî 'Antîgone' kay keno. Kay 10ê Çileyî de Çewlîg de yo.

Cinîyanê Dêrsimî vera skandalê fuhuş û çetebîyayîşî ke bajar de vejîyayo werte, çalakî viraşte. Temsîlkara Haber-Senî Songul Yildize va: "Îdîayê ke vanê 'wezîfedarê kamuyî cinîyan kaşê fuhuşî kenê' ganî bêrê cigêrayîş."

Wekîlê DEM Partî Sirri Sakik, Meclîsê Tirkîya de derheqê minaqaşeyo ke seba zîyaretê S Mesud Barzanî yeno kerdiş de qisey kerd.

Xarpêt de welatîyêk nano ke market ra girewtbi, zereyê ci de poşêt dî. Welatîyo ke mîyanê nanî de rastê poşetî ame û mat mend.

Qezaya Erxenî ya Diyarbekirî de, munaqeşeyê mîyanê keyeyî de gonî rişîya. Zama M.K., bi çek vistewreyê xo û birayê cinîya xo kiştî.

Hunermendo namdar Mikaîl Aslanî eşkera kerd ke album û kilamê ey platformanê dîjîtalan de 300 mîlyon rey ameyê goşdarîkerdene. Aslanî va: "Ziwanê çend mîlyonan, reşt zerrîya 300 mîlyonan."