JÎyat Gêlij
Hetê Musayîş û Zanîstî yê Emekçîyan (Eğitim Sen) Şubeyê Wanî ra Musabaqayêka bi nameyê Rojîn Kabaîşî ameyî organîze kerdene. Seba musabaqa hîkayeyî Kurdîya Kurmanckî, Kirmanckî(Zazakî) û Tirkî ameyê nuştene. Xelatê Musabaqaya Hîkayeyan a Rojin Kabaişî Ameyî Dayene.
Rojin Kabaiş, yew wendekara ciwan a unîversîte bîye ke Unîversîteya Wanî de beşa Averşîyayîşê Domanan wendenê. A hema 21 serrî bîye û roja 27ê Êlula 2024î de Wan de vîndî bîye. Teqrîben 18 rojî ra dima 15ê Teşrîna Verêne, hetê Gola Wanî de bêgane ameye vînayene. Prosesê gêrayîşê Rojîn û badê bêgane vînayîşê aye de xeylê şikî peyda bîye. Mergê aye ser o nezdîyê 18 mengî vîretê û hema zî dosyaya aye zelale nêbîya.
Hetê Egîtîm Sen şubeyê Wanî ra yew musabaqa ameyî organîze kerdene. Organîzekerdişê na musabaqa bitaybetî seba Rojîn û cinîyê ke ameyî qetilkerdenan ra bîye. Xelatê na musabaqa bi merasîmêk ameyî dayene. Merasîmê ke Salona Konferansî ya Baroyê Wanî ya Tahir Elçi de ameye viraştene, babîyê Rojin Kabaişî zî beşdar bi. Babîyê Rojin Kabaişî, Nizamettin Kabaiş, va: “Telefonê ke şawîtî Îspanya, nêkerdî a. Ez veng dana savcîyan; ferz bikerê ke telefonê Rojinî çin o. La, şima delîlanê bînan çira nêgêrenê? Ma yew derdêko zaf pîl ancenê. Wa aqibetê Rojinî bêro dîyar kerdene.”
Badê Qiseykerdişan Xelatî ameyê dayene.
Kurdîya Kurmancî û Kirmanckî (Zazakî) û Tirkî de xelatî ameyî dayene.
· Kurmancî de: bi nameyê “Dergûş” hîkayeya xo reyde Nûjiyan yewin,
Bi nameyê “Çi bû yeqîn bikin” hîkayeya xo reyde Kenan Örmek dîyin,
Bi nameyê “Nanê Tenûrê” hîkayeya xo reyde Abdurrahman Demir hîrêyîn bi.
Xelata Taybete ya Jurî ya Kurmnckî zî bi nameyê “Roj-În-Ava” hîkayeya xo reyde Heval Dilbaharî girewte.
· Kirmanckî (Zazakî) de: bi nameyê “Xelay” hîkayeya xo reyde Yakup Taşçı yewin,
Bi nameyê “Zerrîya Gola Wanî” hîkayeya xo reyde Erkan Yıldırım dîyin,
Bi nameyê “Hevala masîyan” hîkayeya xo reyde Çîno hîrêyîn bi.
Xelata Taybete ya Jurî ya Kirmanckî zî “Vîrê Gola Wanî” hîkayeya xo reyde Ömer Biçerî girewte.
· Tirkî de: bi nameyê “Sarkaç” hîkayeya xo reyde Emine Koç yewin,
Bi nameyê “Annemin Beşiğini Sallıyordum” hîkayeya xo reyde Sümeyye Koşmak dîyin,
Bi nameyê “Ağla Yusuf Ağla” hîkayeya xo reyde İbrahim Şaşma hîrêyîn bi.
Xelata Taybete ya Jurî ya Tirkî zî bi nameyê “Kalan” hîkayeya xo reyde Savaş Akmanî girewte.