ZAZAKÎ NEWS - Hadîse, saetanê şewdirî de mevkîyê Mavi Köprü yê Çemê Munzurî de amey meydan. Goreyê zanayîşanê ke ameyê destvistiş, hemwelatîyanê ke dî cinîyêke mîyanê awe de şina xeber da Merkezê Vengdayîşê Lezgînî yê 112yî. Naye ser o ekîbê AFADî, weşîye, îtfaîye û polîsî sewqê cayê hadîse bîyî. Cenazeya ke awe ra amey vetiş, seba karanê otopsi wedarîya morgê Nêweşxaneyê Dewlete yê Dêrsimî.
Ame tespîtkerdene ke a cinîye maya hîrê domanan Sultan Oz (55) a. Nêzanîyeno ke Sultane erzîyaya çem yan zî a bi xo eşta çem.
Heto bîn ra ame musayene ke mêrdeyê cinîye Kemal Oz zî 10 serrî verî dewe de netîceya hêrîşêkê heşî de birîndar bîyo û nêweşxaneyo ke tede binê tedawî de bi de merdo.