Parlamentera AK Partîye ya Dîyarbekirî Suna Kepolu Atamane û heyeta ke tedir bî şîyî zîyaretê Şaredarîya Qezaya Silîvanî ya Dîyarbekirî û uca Hemsereka Şaredarîye Sevim Biçici û endamanê meclîsê şaredarîye dir pêvînayîş kerd.
Seba proje û xebatan de ameyî têhet
Parlamentera AK Partîye hetê Hemsereka Şaredarîya Silîvanî ya DEM Partîye Sevim Biçici û rayedaranê şaredarîye ra ameye pêşwazîkerdene, bînaya şaredarîye de gêraye û derheqê xebatan de agahîye girewte.
Kombîyayîşo ke ofîsê Hemsereke Biçici de virazîya de derheqê meseleyanê qezaye de qalî bi. Kombîyayîş de endamê meclîsê şaredarîye zî amade bîy û rewşa nikayêne ya Silîvanî ameye ercnayene.