Selahattin Demirtaş o ke hepisxaneyê Edirne de maneno, da zanayîş ke embazê ey ê hucreyî, Hemserekê verên yê Şaredarîya Bajarê Girdî ya Dîyarbekirî Selçuk Mızraklı do roja sêşeme tehliye bibo.
Hemserekê Pêroyî yê verên yê Partîya Demokratîke ya Şaran (HDP) Selahattin Demirtaş o ke 10 serrîyo ke Hepisxaneyê Edirne tepşîyeno medyaya sosyal ser ra parekerdişêk kerd. Demirtaşî da zanayîş ke, Selçuk Mızraklı yo ke pîya yew hucre de manenê, cezaya xo temam kerdo û do serbest bimano.
Mızraklı do roja sêşeme tehliye bibo
Demirtaşî parekerdişê xo de nê vatî: "Dr. Adnan Selçuk Mızraklı, vera serekîya çar mengan ya Dîyarbekirî hewt serrîyo ke hepisxane mend, ey cezaya xo temam kerda û 8ê êlule roja sêşeme do tehliye bibo; o zanayêko zerrîpak o."
Demirtaşî behsê dewrê pîya mendena zindanî ya pîya bi Mızraklî kerd û wîna va:
“Nê panc serranê peyênan de ez emanetê ey bîya, o zî mi rê emanet bi. Şodirê roja sêşemeyî do tîya ra vejîyo, şan zî do Hewagehê Dîyarbekirî de bo. Nika ra emanetê şima yo."
