ZAZAKÎ NEWS - Mehleya Çaglayanî ya qezaya Amedî Pasûr de, seba Salih Ertaş o ke astengdarê zihnî yo û 8ê Sibate de keyeyê xo ra vejîya û reyna ci ra xebere nêameye girewtiş, xebata cigêrayîşî dewam kena.
Xebatê ke herême de yenê ramitiş; bi beşdarîya ekîbanê Mudurîya Afet û Rewşa Lezgîne ya Wîlayetî (AFAD), cenderme, Weşîya Lezgîne ya 112î, ekîbanê Cigêrayîş û Xelesnayîşî yê Şaredarîya Peyasî, Şaredarîya Pasûrî, Şaredarîya Pîle ya Amedî û Rayîranê Bejayî (Karayolları) yenê viraştene.
49 personelî gêrenê ci
Fealîyetanê cigêrayîş û xelesnayîşî rê pêro pîya 49 personelî tewr benê û seba ke tesîrê xebatan zêde bibo, 1 dron zî bi awayêko aktîf yeno xebitnayene.
Xebatanê cigêrayîşî yê 22 rojan de heta nika Salih Ertaş nêameyo vînayîş.
