Endama Konseyê Rayberdişî ya KCK'yî Besê Hozat tewrê merasîmî bîye û qiseykerdişo yewin kerd.
Mîyanê grûbe de, Endama Konseyê Rayberdişî ya KCK'yî Besê Hozat, Nedîm Seven, Têkoşîn Ozan û Tekîn Mûşî pîya bi 15 cinîyan û 15 camêrdan, pêro pîya 30 gerîlayan ca girewt.
Hozate qiseykerdişê xo de va: "Ma ameyî tîya ke vera vengdayîşê Rayber Apoyî helwêstê xo dîyar bikerîm. Ma vera înkar û îmhayî çekî girewtî ke nê prosesî aver berîm. Ma Şervanê Azadîye yê. Bi vengdayîşê Rayber Apoyî, bi vengdayîşê 27ê Sibate û bi qeraranê Kongreya 12. ya PKK'yî ma na game erzenîm."
Dima ke Hozate qiseykerdişê xo qedîna, bi nameyê grûbe yew eşkerayîye bi Tirkî wende. Ey ra dima, Nedîm Sevenî eynî eşkerayîye bi Kurmanckî wende.
Dima ke eşkerayîyî ameyî wendene, Hozate reyna qisey kerd û vat, "Seba dewamê gaman, lazim o ke sererastkerdişê qanûnî bêrê kerdene."
Hozate ard ziwan ke ê seba ke rayîrê prosesî akerê, çekanê xo îmha kenê. Dima ke qiseykerdişî qedîyayî, verî Hozate û dima heme gerîlayan çek û qayîşê xo vetî û veşnayî.
Gerîlayan, dima ke çekê xo veşnayî, herême ra agêrayî. Bi agêrayîşê gerîlayan merasîm zî qedîya.