Tirkîya waşt ke qeraro ke seba Hemserekê verênî yê HDPyî Selahattîn Demîrtaşî ameya dayene, Dayîreya Pîle ya Mehkemeya Heqanê Merdiman a Ewropa (MHME) qerar newe ra binirxno.
Qerarê derheqê Demîrtaşî de Dayîreya 2ine ya MHMEyî dabî. Tirkîya zî waşt ke Dayîreya Pîle ya Mehkemeya Heqanê Merdiman a Ewropa o qerar newe ra binirxno. Wexto peyên seba îtîrazkerdişê qerarî, 8ê Teşrîna Verêne bi.
Birê MHMEyî
Hemserekê HDPyî Selahattîn Demîrtaş, Fîgen Yuksekdag û sîyasetmedarê bînî çarçeweya protestoyanê Kobanê yê 6-8ê Teşrîna Verêne de 9 serrî yo ke hepisxane de yê. 4ê Teşrîna Peyêne 2016î ra nata, MHMEyî hîrê reyî bira daya ke heqê Demîrtaşî ameyo binpaykerdene û waşto ke bêro veradayene.
Birî:
-
Dayîreya MHMEyî, 20ê Teşrîna Peyêne 2018
-
Dayîreya Pîle ya MHMEyî, 22ê Kanûne 2020
-
Dayîreya Pîle ya MHMEyî, 8ê Temmuze 2025
Tirkîya nê her hîrê birî zî ca nêardî. Tewr peynî Komîteya Wezîran a Konseya Ewropa kombîyayîşê xo de bira 'Dayîreya Pîle ya MHMEyî' ya 22ê Kanûne 2020î arde rojdemê xo û waştişê veradayîşê Demîrtaşî kerd.