Çalakîyê ke seba krîzê ekonomîkî, problemanê sîyasîyan, zulmo ke rejîmê Îranî şarî keno, 28ê Kanûna 2025î ra nat seranserê Îran û Rojhelatê Kurdîstanî de dest pêkerdê, roja 17. de dewam kenê.
Goreyê raporo ke Ajansê Xeberan yê Aktîvîstanê Heqanê Merdiman (HRANA) weşana, çalakîyan de 700 kesî merdê. Ame vatiş ke 187 cayanê cîyayan de 606 çalakîyî ameyê viraştiş.
HRANAyî va ke 700 kesan ra 9ê ci tut ê, 133ê ci endamê hêzanê asayîşî yê û ê bînî zî welatîyê sîvîl î. Ame eşkerakerdiş ke 10 hezar û 721 çalakîgerî zî ameyê tepiştiş.
Şar 120 saetî yo ke bêînternet o
Rêxistina Heqanê Merdiman îfade kerd ke 120 saetî vîyartî û tu cayê Îranî de înternet çin o, coka teqîbkerdişê rapor û malumatan zaf zehmet bîyo.