ZAZAKÎ NEWS — Projeyê madenê kromî yo ke dewa Gurikî (Karagöz) zî mîyan de 7 dewan elaqedar keno, dewam keno. Şirketî serra 2024 de mûracat kerdbi, labelê dima ke şarî heqê xo girewtbi, projeyî vindertîbî. Nika şîrket wazeno reyna projeyê xo bivirazo.
Şar Gurik de ame pêser
Pê vengdayîşê "Însîyatîfê Gurik û Dewê Dormeyî", seyan merdimî ameyî Gurik. Şarî mîyanê cayanê projeyî de rayşîyayîş kerd û waşt ke projeyê madenî bêro vindarnayîş.
Nameyê Însîyatîfê Gurikî ser, Uğur Tepeyî va: "Ma bi se serran o ke no erd ser de cuyenê. Ma do destur nêdê ke wa erdê ma talan bikerê."
Çalaki de parlamentera DEM Partî Ayten Kordu û Hatun Esen (Munzur Çevre Derneği) zî qisey kerdî. Ayten Kordu va: "Îqtîdar qanûnê madenî 22 rey vurna, ma zî pêyê nê sîstemî ra nêşinî, ma do micadele bîkerê." Hatun Esen zî vat: "Ma teyna seba însanan nê, seba heme gandaran tîya de yê."