Qeza, nêzdîyê mahlaya Aşlıcayî ya rayîrê Amed-Sêwregi ser de qewmîya. Otomobîlo bi plakaya 34 LTG 23 yo ke Burhan Demir ramitêne, da herêko bêwayîr ro yo ke nişka ra vecyîbî serê rayîrî. Bi tesîrê pirodayîşî, wesayîto ke qontrol ra vecyîbî, kewt serê barîyaran.
Qaza de ramitox Burhan Demir û Serhat Ekinci, Cömert Ekinci û İslam Ekinciyê ke mîyanê wesayîtî de bî, birîndar bîyî. Dima ke xebere ameye wesnayîş, ekîbê weşîye, îtfayîye û cendirmeyî cayê qeza rê ameyî sevqkerdiş. Birîndarê ke tewr verî cayê qeza de midaxeleyê înan ame kerdiş, bi ambulansan wedarîyay Nêweşxaneyê Dewlete yê Sêwregi.
Her zî uca de merd, parçeyê ke otomobîlî ra qetîyayî, ginay camê verîn ê otobûsêka raywanan ro ke şerîdê bînî ra şîyêne.