ZAZAKÎ NEWS - Qeza, rayîrê bejayî yê Çewlîg-Amedî ser o, Çatrayîrê Bertîyî de ameye meydan. Goreyê malumatanê ke ameyê girewtene, otomobîlo bi pîlakaya 12 ACM 017î yo ke binê îdareyê H.Ç.yî de bi, da pîkapa bi pîlakaya 34 NKK 566î ro ke Y.G. a ramitêne. Qeza de 4 kesî birîndar bîyî.
Îxbarê welatîyanê ke qeza dîye ser o, ekîbê weşîye û polîsan ameyî şawitene cayê hedîseyî. 4 kesê ke qeza de birîndar bîy, dima ke hetê ekîbanê weşîye ra cayê hedîseyî de mudaxaleyê înan o verên ame kerdene, bi ambûlansan ameyî berdene Nêweşxaneyê Dewlete yê Çewlîgî.
Semedê qezayî ra rayîr ser o demêko kilm resayîşê trafîkî de nêbi. Dima ke wesayîtî rayîr ra ameyî wedaritene, herikîyayîşê trafîkî agêra rewşa xo ya normal.
Ekîbanê polîsan derheqê qezayî de tehqîqat da destpêkerdene.