Rayîrê Dîyarbekir û Çewlîgî de mînbûs û erebe piro dayî; netîceya qeza de 5 kesî merdî, 2 kesî giran bi temamî 17 kesî zî birîndar bîyî.
Qeza serê sibayî herêma Hîrêrayîrê Licêyî de qewimîya. Goreyê agahîyan, mînbûsa ke Mûş ra ameyêne Dîyarbekir qeza kerd.
Xeberdayîşê şarî ser ekîbê weşîye, îtfaîye û cendirmeyî sewqê mintiqa bîyî. Birîndarî mudaxeleyê verênî ra pey wedirîyayî nêweşxaneyanê Licê, Hêni, Pasûr û Karazî. Êyê ke rewşa înan girana zî şawiyay nêweşxaneyanê Dîyarbekirî.