Fîrazkerdişê Roşanê Noelî (Surp Dzinunt) Tirkîya de dest pêkerd. Goreyê teqwîmê Dêra Ermenîyan şewa Noelî emşo ya.
Ermenîyê ke Tirkîya de yê, Noelî bi nameyê 'Surp Dzinunt' (Biyayîşo Pîroz) 6ê Çeleyî de fîraz kenê.
Amadekarîye 'Hisnag' a
Amadekarîya seba Noelî Dêra Ermenîyan de hewt hefteyî dewam kena. Nameyê ney 'Hisnag' o.
Hefteyanê verên, çarin û hewtin ê Hisnagî de endamê dêre perhîzê vejeteryanî kenê (goşt nêwenê). Her rojê Şemeyî wextê şefeqî de dua kenê û îlahîyan vanê. Ancî, mûmêka binevşî ya newîye tafînenê.
Şewa Serra Newîye mîyanê nê demî de ya û endamê dêre na şewe keyeyê xo reyde pîya manenê. Eynî roje şonê dêre û duaya şikirkerdişî kenê.
Seba şekir û sipasîye, endamê keyeyî dêre de yenê pêser. Bi taybetî werdê bogoştî û çerezî yenê werdene. Eke goşt bêro werdene zî, goştê heywananê awe (masî) yeno tercîhkerdene.
Not: Şnorhavor Surp Dzınunt, vateyêko Ermenkî yo û yeno manaya "Biyayîşo Pîroz ê Bextewarî" yan zî "Noela Bexteware".