XEBERE / ENWER YILMAZ
Nuştoxî Sabîha Diljen û Haydar Diljen, mabênê tarîxanê 18-26ê Teşrîna Verêne de do standê Weşanxaneyê Aryenî de wendoxanê xo reyde bêrê têhet.
Fuarê Kitaban ê Dîyarbekirî yê 9. yew organîzasyonêko muhîm o û tede nuştoxî wendoxanê xo reyde yenê yrew ca.
Nuştoxî Sabîha Diljen û Haydar Diljen zî Fuarê Kitaban ê Dîyarbekirî de seba wendoxanê xo do rojê îmza virazê. Roja îmza, Merkezê Kongre û Fuarî yê Mîyanneteweyî yê Mezopotamya (Amed) de, standê Weşanxaneyê Aryenî de do bêra viraştene.
Goreyê agahîyan, Diljenî do mabênê tarîxanê 18 û 26ê Teşrîna Verêne 2025î de, her roje mabênê seatanê 12:00 û 18:00î de standê weşanxaneyî de amade bê û kitabanê xo îmze bikerê.
Kitabê ke do bêrê îmzakerdene mîyan de, kitabê Haydar Diljenî "Rêzimana Kurdî" û "Raywanîya Çekuyanê Mi", û her di kitabê "Zimanê Me" ke hetê Sabîha Diljen û Haydar Diljenî ra pîya ameyê nuştene, ca genê. Wendoxê ke wazenê, eşkenê nê tarîxan de standê Weşanxaneyê Aryenî zîyaret bikerê.