Fîlmê derhêner Mehmet Alî Konarî yo newe "Wexto ke Pelê Gozan Benê Zerd", 18ê Teşrîna Verêne de Sînemayanê N'City yê Amedî de do teşamekerdoxan reyde bêro têhet.
Fîlmê Mehmet Alî Konarî "Wexto ke Pelê Gozan Benê Zerd" 18ê Teşrîna Verêne, saet 19:30 de, Sînemayanê N'City yê Amedî de do bêro mojnayîş. Bîletî sîteya înternetî biletfiros.com ser o yenê rotiş.
No fîlm, fîlmê Mehmet Alî Konarî yo hîrêyîn o û fîlm de Kurdkîya Zazakî û Kurmancî pîya yenê şuxulnayene. Fîlmî, premierê xo yê dinya Festîvala Fîlman a Göteborgî de kerdbi û eleqeyêko pîl dîbi.
Mehmet Alî Konarî verê cû derhênerîya fîlmanê "Govenda Alî û Dayka Zîn" û "Hewno Bêreng" kerdbi û bi nê fîlmanê xo çend festîvalanê fîlman de xelatî girewtbî.