Komelê Kultur û Huner ê Çewlîgî, seba kesê ke wazenê Zazakî û Kurmancî bimusê yan zî ziwanê xo aver berê, dest bi amadekarîya kursanê neweyan kerd.
Kursan de qiseykerdiş, nuştiş û grameri ser o dersî do bêrê dayîş. Sînifî (polî) goreyê zanayîşê wendekaran sey 'Sewîyeya Yewine', 'Sewîyeya Diyine' û 'Pola Taybete' yenê cîyakerdiş.
Vengdayîşê komele de ame vatiş ke perwerde bi metodanê asan û bi keyfî, hetê mamostayanê pisporan ra yeno dayîş. Armanc o yo ke beşdarî, bê ke ferqê emr û sewîye bibo, rehet ziwanê xo bimusê.
Ame vatiş ke tewrbîyayîşê atolyeyanê ziwanî "bêpere" yo û hemwelatîyî eşkenê muracatê komele bikerê.
Malumatê Têkilîye:
Adrese: Mehleya Yenîşehîrî, Cadeyê Kulturî, Xanê Karî yê Bektaşî (Bektaş İş Hanı), Numre: 46/1
Medyaya Sosyale (Instagram): kultur_sanat_bingol
