Qezaya merkezî ya Amedî Baxlar de, adiro ke "otela boranan" a ke qatê peyênî yê yew apartmanî de ya de vejîya, tede 100 ra zêdeyêr boranî murdar bîyî.
Goreyê malumatanê ke ameyî girewtiş, hedîse saetanê şefeqî de Cadeyê Gurselî, Mehleya Muradîye de qewimîya. Qatê peyênî yê yew apartmanê 3 qatî de, sobaya elektrîkî ya ke seba germbîyayîşê boranan ameybî ronayîş adir girewt. Ekîbê îtfaîye, weşîye û polîsî sewqê cayê hedîseyî bî.
Şewat de 100 ra zêdeyêr boranî merdî û otele bîye wele.
Wayîrê otele Alî Batmazî va ke adir saetanê 07.00î de vejîyayo. Batmazî va: "Çi heyf ke zafê borananê ma telef bîyî. 4 kumesê ma vêşayî. Zerarê madî ma zaf nêqirna la mergê borananê ma, ma zaf xemgîn kerd."
Muxtara Mehleya Muradîye Dîleke Demîr zî wina qisey kerd: "Nezdîyê 150 boranî merdî. Ma seba birayê xo yê esnafî çi lazim o hewl da ke paştî bidê ci. Ma zaf xemgîn ê. Ez seba birayê ma yê esnafî vana wa kefaret bo. Ma zaf qahrîyayî, ê ganeyê bêvengî yê Homayî bî. Pêro vêşayî û merdî, ma zaf xemgîn ê."
Derheqê hedîseyî de tehqîqat ame dest pêkerdene.
