ZAZAKÎ NEWS – Şair û nuştoxo namdar Ahmet Telli o ke aşma nîsane ra nata Nêweşxaneyê Bilkentî yê Anqara de derman bîyêne û 8ê Temuze de amebî entûbekerdiş, weşîya xo vîndî kerde. Mergê ey bi sebebê xemgînîya pîle.
Ahmet Telli kîm o?
Mamosta, nuştox û şaîr Ahmet Telli 2ê Kanûne 1946 de qezaya Eskipazarî ya Çankırı de ameyo dinya. O serra 1981 de, wexto ke Enstîtûyê Perwerdeya Gazî de mamosteyî kerdêne, hetê idareya leşkerî ra ame tewqîfkerdiş la eynî serre beraat kerd. Telli seba yew nuşteyê xo yo derheqê şîîranê Cigerxwînî de zî wextêko kilm hepisxane de mend. O serra 1993 de bi qerarê mehkeme reyna agera mamosteyîya xo û dima ra zî bi teqawut. Pê kitabê xo yê şîîran "Nida" yo ke serra 2010 de vejîya, xelata şîîran a Altın Portakalî girewte.
