Mızraklı verê tehliyeyê xo, hesabê xo yê medyaya sosyal ser o mesajê “Siba, newe ra, pîya bi hêvî û heskerdiş… 08.09.2026” pare kerdbi. Seba tehliyebîyayîşê Selçuk Mızraklî, verê Zîndanê Edirne yê Tîpê Fî de pawitiş dewam keno. Pawîyeno ke Mızraklı saete ewro tehliye bibo labelê o hema zîndan ra nêvejîyayo.
Heyetê Partîya DEMî verê zîndanî de yo
Serekwekîlê Grûba Partîya DEMî Gülistan Kılıç Koçyiğit û Sezai Temelli, Vervatoxa Partî Ayşegül Doğan û wekîlê Partîya DEMî Saruhan Oluç, Serhat Eren û Cengiz Çandar, seba pêşwazîkerdişê Mızraklî, verê Zîndanê Edirne yê Tîpê Fî de yê.
Pankartê pîya bi Demirtaşî
Serê wesayîtanê ke verê zîndanî de pawenê de pîya bi fotografanê Selahattin Demirtaşî, pankart û nuşteyê sey “Azadîye nêmcet nêbena”, “Seba Demirtaşî azadîye” û “Eynî hesret” ameyî daliqandene.
Mîyanê înanê ke pawenê de, mesajê sey “Xêr ameyî Selçuk Mızraklı” zî est ê.
Seba tehliyebîyayîşê Mızraklî, verê zîndanî de pawitiş dewam keno.