Pawîyeno ke vurnayîşo ke mîyanê rêxistine de dest pêkerdo, rojanê ameyoxan de bajaranê bînan zî bigîro mîyanê xo.
Eşkerayîya ke hetê Serekîya Teşkilatî ya AK Partî ra ameye kerdene de, sebebê girewtişê wezîfeyan wina ame eşkerakerdiş:
“Seba ke estbîyayîşê sîyasî yê partîya ma yê bajaran de biresa sewîyena tewr berze, dima ke erjnayîşêko hîra ame kerdene, 4 bajaran de wezîfeyê serekan ameyî vurnayene.
Bajaranê ma Adana, Dîyarbekir, Giresun û Sêrtî de serekê bajaran ê neweyî pîya bi heyetanê xo yê îdareyî wextêko kilm de do dest bi wezîfeyê xo bikê. AK Partî tena partîyêka sîyasî nîya. A, temsîlkara rayraşîyayîşê ma yê şaristanî ya ke do seba mazlumanê dîna bibo hêvî. Ma xebatanê rêxistina xo bi nê hişmendî û vurnayîşê mîyanê xo bi nê mesulîyetê berzî rayra benî. Ma sipasîya xo pêşkêşê serekanê bajaran yê ercîyayan kenî ke bi ked û xebata xo paştgîrîyêka bêemsal day têkoşînê ma. Hedefê ma, binê serekîya Serekê ma yê Pêroyî, Serekkomarê ma Birêz Recep Tayyip Erdoganî de, resayîşê hedefanê Seserra Tirkîya yo.”