Endamê Heyetê Îmraliyî yê DEM Partî Pervin Buldane û Faik Özgür Erol pîya bi endamê Sekreterîya Îmraliyî Veysi Aktaşî, Îstanbul Taksîm de yew otêl temsîlkaranê medya reyfe ameyî têhet.
Heyetî qonaxo peyên yê prosesê çareserîye û rewşa newîye ya ke bi "qanûnê çarçewa" ameya meydan ercna.
Goreyê malumatê ke ajansê ANKAyî derbas kerdî, heyetî va ke na xebata ke aşma kanûne ya serra 2024î ra nat dewam kena û heta nika gamêka zaf muhîme ameya eştene.
Texmînen 4 hezar tepişteyî şênê serbest bêrê veradayîş
Faik Özgür Erolî da zanayene ke tesîrê nê qanûnî tena seba tepişteyan nîyo. Erolî ard ziwan ke 75 hezar dosyayê sîyasîyî est ê û no qanûn şêno tesîrê cuya se hezaran merdiman biko.
