Qezaya Dîyarbekirî Erxenî de hemşaredarê verênî û hetkarê înan erzîyayê hepisxane
Erxenî de hemşaredar verênî û hetkarê înan ê ke 8ê hezîrane de ameybî destbendkerdiş tewqîf bîyî.
Hemşaredarê verênî Ahmet Kaya, Ramazan Kartalmiş û Fesih Yalçin û hetkarê înan Gulîstene Polat, Esverî Malkoç û Cavîdan Yaman ameybî girewtiş.
Dozgerîye sîyasetmedarê kurdî seba ke mabênê serranê 2014-2019î de tewrê çalakîyan û aktîvîteyan bîyî, îdîa kerd ke înan falîyetê şaredarîye krîmînalîze kerdî bi sûcdarîya endamîya rêxistine waşt wa bêrê tepiştene.
Dadgerîya Sulh Ceza ya Nobetdare waştişê dozgerîye ard ca û sîyasetmedarî tepiştî erşawitî hepisxane.
