Serekê Klubê Amedsporî Nahit Eren û Serekwekîle Şengül Saruhanoğlu, formaya Amedsporî ya bi numreya vîst û yew pêşkêşê Erdoğanî kerd.
Erdoğanî ewro rayber, heyetê teknîkî û futbolbazanê Amedspor, Erziromspor û Çorumsporî yê ke vejyayî Super Lîg, Küllîyeya Serekkomarîye de kerdî meyman.
Amedspor ra beyanat
Derheqê zîyaretî de Amedspor ra beyanatêko nuştekî ame dayîş:
"Bi vengdayîşê Serekkomaro ercaye Recep Tayyip Erdoğanî, heyeto ke tede direktorê teknîkî û futbolbazanê klubanê ke vejyayî Trendyol Super Lîg estbî, Küllîyeya Serekkomarîye de pêvînayîşêk ame kerdene.
Pêvînayîş de Serekê Klubê ma Nahit Eren, Serekwekîla ma Şengül Saruhanoğlu, Direktorê ma yê Teknîkî Besnik Hasi û futbolbazê ma Mehmet Yeşil û Cem Üstündağ ca girewtî.
Ma wazenî ke sezona newe seba heme klubanê ma bi xêr û serkewte derbaz bo, û seba vengdayîşê ey, sipasîya Serekkomar Recep Tayyip Erdoğanî kenî."