Mehlaya Yenîşehîrî ya qezaya Karazî de, citkar Firat Kiliç wexto ke heywanê xo çerênayêne rastê simorêko sur ame. Simore ke vamî werdêne, hetê Kiliçî ra bi telefonê destî ame qeydkerdiş.
Tirkîya de semedê postê ci yeno seydkerdiş
Serekê Beşê Zoolojî yê Fakulteya Fenî ya Unîversîteya Dîcle (UD) Prof. Dr. Alî Satarî derheqê ey de agahî da û va ke neslê simoreyan dinya de binê tehlîke de nîyo, labelê Tirkîya de semedê postê înan yenî seydkerdiş, aye ra Tirkîya de neslê înan binê rîskî de yo.