XEBERE / ENWER YILMAZ
Şubeyê Eğitim-Senî yê Erxenî yew konferanso muhîm derheqê ziwan û edebîyatê Zazakî de organîze keno. Konferans, bi sernuşteyê "Zazakî û Edebîyatê Zazakî" do virazîyo.
Qiseykerdoxê konferansî do nuştox û cigêrayox Roşan Lezgîn bo û moderatorîye zî do hetê Mehmetşah Aslanî ra bêra kerdene.
Konferans do roja şeme, 15ê Teşrîna Peyêne 2025î de, saete 14:00 de dest pêbikero. Ziwanê konferansî do Kurmancî û Zazakî bo.
Ca: Şubeyê Eğitim-Senî yê Erxenî (Mehlaya Dîcle, Caddeyê Dîrîlîşî, Bahçeşehîr Etap 1, C Blok, Qat 1, No: 1, Erxenî).
Organîzatoran seba konferansî veng da heme heskoxanê Zazakî û vat: "Ma şima heme heskerdoxanê Zazakî dehwet kenê." No konferans, seba eleqedaranê ziwan û edebîyatê Zazakî yew firsendo muhîm o.