Merkezê Cigêrayîşanê Sinife yê Yewîya Metal-Îşî (BİSAM), hesabna ke Tirkîya de seba yew keyeyê çar kesan sîndorê veyşanîye 27 hezar û 289 lîra, sîndorê feqîrîye zî 94 hezar û 383 lîra yo.
‘Sinorê veyşanîye’ o pere yo ke ganî yew keyeyê çar kesan seba ke bi hawayêko weş, rehet û bes werd biwero, xerc bikero.
‘Sinorê feqîrîye’ zî o pere yo ke ganî seba hewcedarîyanê mecbûrîyan ê sey werd, kinc, ca, resayîş, perwerdeyî û weşîye bêro xerc kerdiş.
Goreyê hesabê BİSAMî yo ke pabesteyê Konfederasyonê Sendîkayanê Karkeran ê Şorişgêran (DİSK) o, sinorê feqîrîye yê seba keso ke tena cuwîyeno zî 43 hezar û 882 lîra yo.
Pereyo ke ganî seba werdêko weş û rojane bêro xerc kerdiş zî sey 909,64 lîra ame hesabnayîş.